Plani i reagimit të Izraelit ndaj Iranit është gati.
Kjo u raportua nga një burim me njohuri për këtë çështje për CNN.
Sipas të njëjtit burim, zyrtarët izraelitë, përfshirë kryeministrin Benjamin Netanyahu, kanë siguruar SHBA-në se një kundërsulm ndaj Iranit do të kufizohej në objektiva ushtarakë dhe jo në objektet e naftës ose bërthamore.
Irani hodhi dhjetëra raketa në drejtim të Izraelit si hakmarrje për vrasjen e liderit të Hezbollahut, Hassan Nasrallah, liderit politik të Hamasit, Ismail Haniyeh dhe të tjerëve.
Netanyahu ishte zotuar se Irani do të “paguante” për sulmin.
Informacioni erdhi ndërsa komuniteti ndërkombëtar pret të shohë se çfarë mjetesh do të përdorë Izraeli për t’iu përgjigjur sulmit iranian të 1 tetorit.
Izraeli e mban të fshehtë horizontin kohor të saktë të goditjes dhe thekson në çdo rast se do të jetë “një përgjigje e saktë dhe vdekjeprurëse”, e vërteta është se Tel Avivi është përgatitur për një goditje të tillë për 20 vjet duke zhvilluar një seri të sofistikuara armëve dhe teknologjive.
Në fakt, industria e mbrojtjes e Izraelit ka investuar miliarda në përgatitje, siç raportohet nga Jerusalem Post, për një goditje të mundshme ndaj Iranit.
Disa nga këto teknologji u zbuluan kur Izraeli kreu sulmin kundër Houthis në Jemen.
Teherani thotë se është gati të përgjigjet
Irani do t’i përgjigjet me vendosmëri çdo sulmi izraelit, tha kreu i diplomacisë iraniane, Abbas Araghchi, të mërkurën (16/10) në një bisedë telefonike me Sekretarin e Përgjithshëm të OKB-së Antonio Guterres.
Vihet re se Aragchi vizitoi me radhë Libanin, Sirinë, Arabinë Saudite, Katarin, Irakun dhe Omanin.
Sot ai po zhvendoset në Jordani, sipas ministrisë së tij, përpara se të shkojë në Egjipt dhe Turqi.
Nga ana tjetër, Ministria e Jashtme iraniane në një deklaratë thotë: “Irani po bën përpjekje të konsiderueshme për të mbrojtur paqen dhe sigurinë e rajonit, por është absolutisht i gatshëm t’i përgjigjet me vendosmëri çdo aventure të Izraelit dhe ta bëjë atë të pendohet”.
/a.r
