Që çmimet në jug janë të shtrenjta, këtë e dimë të gjithë por që të kenë kaq shumë diferencë nga vendet e tjera dhe që çdo gjë të bëhet kaq hapur, këtë nuk e kishim imagjinuar.
Për më tepër, çdo gjë është e shkruar e zeza mbi të bardhë, pasi për një artikull, çmimi ka ardhur me faturë tatimore dhe emri i produktit është shkruar qartë.
“Uji me bidon” kushton 500 lekë të reja, ose 5 mijë lekë të vjetra. Nuk e dimë se çfarë uji mund të jetë ky.
Noshta është ndonjë bidon jashtë çdo lloj përmase që kemi parë ne deri më tani, por vihet re dukshëm se çmimi i tij është ekuivalent me çmimin e një çadre dhe dy shezlonëve. Me të vërtetë marramendës çmimet në Vlorë.
Bëni kujdes nëse shkoni për të pushuar në këtë vend e nëse ju pihet ujë. Ka për t’ju kushtuar sa “qimet e kokës”
