Jo gjithmonë mund t’i gjeni kartat me konfigurimet normale “Çupa”, “Mbret”, “Fant”, ashtu siç jeni mësuar t’i shihni, këtë herë ato janë dizejnuar në mënyrë më të veçantë nga kosovarët.
Në mënyrë shumë interesante, Adem Jashari, Gjergj Kastrioti Skënderbeu, Ibrahim Rugova dhe Isa Boletini janë dizajnuar në karta në vend të mbretit, ndërkaq Nënë Tereza dhe Shotë Galica në formë të çupës, shkruan lajmi.net.
Mësohet se kartat janë realizuar nga një djalë i ri kosovar, i quajtur Driton Ajvazaj, ndërsa kartat i ka quajtur “Red n’Black Cards”. Kosovari i cili jeton në Zvicër, këto karta interesante i ka shfaqur edhe në treg.
Këto janë kartat e para që përfshijnë elemente historike shqiptare, madje secila kartë përfaqëson origjinën shqiptare. (b.an)
