Një 35-vjeçar është arrestuar nga policia e Prrenjasit, nën akuzën e dhunës në familje dhe mbajtjes pa leje të armëve të ftohta. Në pranga është vënë 35-vjeçari Klodjan Leka, banues në Prrenjas. Gjatë ditës së djeshme, 35-vjeçari ka pasur një konflikt për motive pronësie me nënën e tij në banesë dhe dyshohet se ka ushtruar dhunë fizike ndaj saj, si dhe e ka goditur me thikë, bëjnë me dije burime zyrtare nga policia.
E ëma e të arrestuarit, 61-vjeçarja N.L, ndodhet në spital në Tiranë dhe mësohet se është jashtë rrezikut për jetën. Materialet në ngarkim të 35-vjeçari iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” dhe “Prodhimi dhe mbajtja pa leje e armëve të ftohta”.
