Kosova njihet si një ‘fabrikë’ talentesh. Këtë e demonstron fakti se janë të shumtë futbollistët kosovarë që luajnë në përfaqësueset tjera, mbi të gjitha në ato të Shqipërisë e Zvicrës, shkruan Zëri. E tash kur Kosova e pret pranimin në UEFA e FIFA muajin tjetër, të gjithë në vendin tonë ëndërrojnë që të kthehen yjet dhe t’i mbrojnë ngjyrat e vendit të tyre.
Shaqiri, Xhaka, Behrami, Cana, Januzaj etj, janë disa prej lojtarëve që do ta bënin Kosovën pretendente për t’u kualifikuar në një eveniment të rëndësishëm. Ky është formacioni të cilin e kishin bërë kohë më parë mediat e huaja. Një ekip yjesh, secili më i ‘madh’ se tjetri.
