Çlirim Hajdarmataj shpegoi sot në një lidhje me Skype në emisionin “Opinion” se çfarë ndodhi me ministrin Ilir Beqaj, i cili e shkarkoi nga detyra i drejtorit të ISKSH-së në Tropojë. Ai tha se priste që ta shkarkonte dhe prandaj e regjistroi.
Intervista
A keni paguar një person që s’ka qenë në Shqipëri?
Jo nuk është e vërtetë fare. E ndoqa në Facebook që e kishte nxjerrë. Kjo është një gënjeshtër. Ata të shkojnë ti verifikojnë dokumentet. Njerëzit që e kanë informuar ministrin e kanë informuar gabim. Janë disa njerëz që kanë ndikuar per keq tek ai edhe për zgjedhjet në parti.
Emërimi juaj ka qenë politik?
Unë jam emëruar nga drejtoria e përgjithshme pasi u hap një vend i lirë aty.
Përse e përgjuat bisedën?
E regjistrova bisedën me atë. Ai muhabet ka vijuar më përpara me ministrin. Asnjë ditë se kam paguar. Në ditën që i ka mbaruar leja e zakonshme s’ka marrë asnjë lek nga FSDKSH në Tropojë. I kam ruajtur të gjitha dokumentet në Tropojë.
Çfarë ka ndodhur mes jush dhe ministrit Beqaj para se ta regjistronit?
Janë orgnizuar takime me të deleguarit. Kam qenë kryetar FRESSH-i. S’kam pasur asnjë problem pune me Beqjen. Ai erdhi për të bërë zgjedhjet në Tropojë. Zgjodhi një kryetar që nuk duhej të zgjidhte. Unë prisja që ai të hakmerrej ndaj meje për ecurinë e punëve në PS-në e Tropojës. Krijoi reaksion në asamble. U larguam nga ajo asamble. Nuk mundi t’i realizonte qellimet dhe na mori për të na kërcënuar të gjithë.
Emërimet i bën partia atje?
Emërimet bëhen sipas rregullave dhe ligjeve.
Ishit edhe kryetar i FRESSH-it normalisht?
Patjeter, edhe ai që ishte para meje ishte drejtues partie.
I keni bërë presion ministrit për bisedën? Keni prerë pjesë nga biseda?
Jo asnjë pjesë. Telefoni që fliste Beqaj dhe telefoni regjistrues ishin ballë për ballë
