Kandidatja Hillary Clinton tashmë i ka numrat e nevojshëm të delegatëve për të qenë e nominuara e Partisë Demokratike për Presidente të SHBA-së, raporton Koha.net.
Lajmin e bën të ditur agjencia amerikane e lajmeve Associated Press, që ka bërë numërimin e delegatëve që Clinton ka fituar.
Sipas llogarive të AP-së, Clinton tashmë e ka përkrahjen e 2383 delegatëve të nevojshëm për nominimin.Kjo është hera e parë në historinë amerikane që njëra nga dy partitë e mëdha e nominon një grua për Presidente.
Pritet që shumë shpejt Presidenti Obama të dalë publikisht për të përkrahur Clintonin dhe për ta sulmuar kandidatin republikan Trump. Clinton do ta pranojë nominimin e partisë së saj në Konventën e Filadelfias, në korrik. (b.an)
