Ëndrra e Arsenalit për titullin kampion në Premier League duket se është shuar këtë të mërkurë në përballjen e drejtpërdrejt që kishin me rivalët e Manchester City.
Brenda në shtëpinë e tyre, Qytetarët mundën me rezultatin 4-1 “Topçinjtë” e Londrës që tashmë e përforcuan më tej krizën e tyre pas 3 barazimeve radhazi.
Heroi i kësaj mbrëmje për djemtë e Guardiolës ishte Kevin De Bruyne, i cili shënoi 2 herë në portën e miqve. Goli i tretë u shënua nga Jones Stones. Nuk mund të mbetej pa “firmosur” në këtë takim dhe Halaand, i cili shënoi në minutat shtesë.
Arsenali shënoi golin e nderit në minutën e 86 me Holding, por nuk kishte më kohë për të bërë diçka më shumë.
Tashmë, City ndodhet dy pikë larg vendit të parë, por ka dy ndeshje më pak, të cilat në rast se i fiton e çojnë në krye të renditjes.
/a.r
