Prej muajit shkurt Çiljeta dhe Noizy kanë lajmëruar për këngën e tyre me titull “Gangsta Love”. Për shkak të projekteve të ngjeshura, ky bashkëpunim ende nuk është lançuar. Megjithatë kjo nuk do të thotë që kënga është lënë pas dore, pasi xhirimet e klipit thuajse kanë përfunduar.
Pak javë më parë, Çiljeta ka bërë me dije se bashkëpunimi i tyre do të jetë i veçantë, duke zgjuar akoma dhe më shumë kureshtjen e ndjekësve.
Nga ana tjetër, Xhilaga ka publikuar në Instagram një foto, në të cilën fansat shkruajnë se është pjesë e vidoes së re. Këngëtarja në këtë rast ka preferuar të heshtë, duke e lënë surprizë.
