Islanda është vendi ku mushkonjat “mungojnë” gjatë gjithë vitit, megjithëse vendet fqinje si Norvegjia, Skocia dhe Groenlanda janë shtëpia e shumë specieve.
Po pse nuk ka mushkonja në Islandë?
Ka pasur shumë teori gjatë viteve, por më e zakonshmja është se mushkonjat thjesht nuk kanë mbërritur ende në Islandë. Vendi ishullor është i ndarë nga fqinjët e tij nga qindra kilometra oqean, duke krijuar një barrierë natyrore që ua vështirëson mbërritjen e tyre.
Megjithatë, Gísli Már Gíslason, profesor emeritus i limnologjisë në Universitetin e Islandës, konfirmoi se disa mushkonja mund të arrijnë në vend nga ajri, pasi ai kapi një mushkonjë gjatë një fluturimi nga Groenlanda për në Islandë.
Megjithatë, nëse mushkonjat kanë mbërritur në Islandë, pse nuk po rritet popullata e tyre? Pse nuk riprodhohen?
Islanda mund të ketë shumë liqene dhe burime ujore pranë aeroporteve të saj, vende ideale për mushkonjat për të lëshuar vezë, kështu që shpjegimi më i mundshëm duket të jetë klima “e ashpër” e Islandës.
Klima e Islandës është në një gjendje të ndërmjetme: Dimrat e gjatë dhe ciklet e shpeshta të ngrirjes-shkrirjes në vjeshtë dhe pranverë shkaktojnë në mënyrë të përsëritur fenomenin e ngrirjes dhe shkrirjes së trupave ujorë.
Edhe pse pellgjet gjeotermale të Islandës ruajnë temperatura të qëndrueshme, temperaturat shumë të larta nuk janë ideale për larvat e asnjë lloji mushkonje që është përshtatur në gjerësi të larta gjeografike.
Nëse mushkonjat përhapen përfundimisht në Islandë, kjo nuk do të jetë hera e parë që një “zonë pa mushkonja” zhduket. Hawaii, arkipelagu më i izoluar në botë, ishte i lirë nga mushkonjat deri në vitin 1826, kur anijet evropiane dhe amerikane i sollën ato “aksidentalisht”. Falë klimës së favorshme të Hawaiit, mushkonjat u shumuan shpejt dhe u përhapën në ishujt përreth.
Megjithatë, ekspertët thonë se gjasat që mushkonjat të bartin sëmundje të tilla si ethet e dengutës të vijnë mbeten të ulëta sepse këtyre insekteve u duhen klima tropikale dhe subtropikale për të mbijetuar.
