Panairi Ndërkombëtar për Tregtinë në Shërbime i Kinës (CIFTIS) 2023 u kurorëzua me sukses të mërkurën pasdite shkruan CMG.
Rreth temës “Hapja udhëheq zhvillimin, bashkëpunimi krijon të ardhme”, në kuadër të panairit të këtij viti u hap një ekspozitë prej 155 000 metrash katrorë si edhe u zhvilluan 10 forume të nivelit të lartë, 102 forume të posaçme, 18 konferenca anësore dhe 72 takime promovuese. Mbi 2400 ndërmarrje morën pjesë me prani fizike, ndërsa më shumë se 6 700 të tjera në internet. Deri në mesditën e së mërkurës, rreth 280 000 vizitorë ndoqën panairin, që arriti më shumë se 1 100 rezultate.
83 vende dhe organizata ndërkombëtare në emër të qeverive ose selive të tyre morën pjesë në këtë veprimtari, 12 më shumë se në edicionin e vitit të kaluar. Vendi i ftuar i nderit sivjet, Mbretëria e Bashkuar, krijoi pavijonin më të madh që nga pjesëmarrja e vet e parë në ekspozitë, duke shfaqur markat britanike në fushat e krijimit të risive, arsimit dhe teknologjisë. Ndër ndërmarrjet që morën pjesë me prani fizike, më shumë se 20 % e tyre janë të huaja, duke përfshirë mbi 500 që janë pjesë e listës së 500 korporatave më të fuqishme botërore të revistës “Fortune” ose udhëheqëse të sektorëve të tyre, duke mbuluar 28 ndër 30 vendet e rajonet e para për tregtinë e shërbimeve në botë.
