Çfarë po ndodh me Jose Mourinho? Pasi fitoi me një diferencë pikësh Premier League-n e vitit të kaluar, Special One është nisur me këmbën e gabuar në këtë sezon. Madje shumë keq, duke marrë një sërë rezultatesh të dobta që nuk e nderojnë historinë e klubit të mësuar edhe me sukseset e portugezit. Me humbjen e pësuar në shtëpi kundër Crystal Palace të shtunën, Mou ka marrë deri tani katër pikë në katër ndeshje, nisja më e keqe e Chelsea nga viti 1995. Një erë gjeologjike më parë, përpara hyrjes të rublave të Roman Abramovich.
Më keq se Moyes
Me këto rezultate kaq të dobta, Chelsea ka thyer një tjetër rekord negativ: nisjen më të keqe të skuadrës kampione në fuqi. Duke bërë edhe më keq se David Moyes te Manchester United. Të paktën në atë rast pasaardhësi fatkeq i Ferguson kishte shtatë pikë.
Sa gola të pësuar
Është një pikat më të forta të Mourinhismo që po jep më pak, e kemi fjalën për mbrojtjen e hekurt që gjithnjë ka karakterizuar skuadrat e portugezit. Chelsea i tanishëm ka pësuar plot 10 gola në katër ndeshje. Gjë kjo që nuk ndodhte që nga viti i largët 1971.
Si tek Reali
Kjo nisje kampionati të kujton edhe nisjen e Mourinhos tek Reali në vitin 2012, dy humbje, një fitore, një barazim dhe nisja e një lamtumirë të gjatë me merengues, në një vit të mbushur plot me polemika.
Pra, çpo ndodh me një trajner që na pati mësuar me spektakël dhe pati treguar se një trajner me zgjedhjet e tij mund të ndryshonte fatin e një takimi. Ndërkohë që siç bën zakonisht, Mou ua ka vënë fajin lojës së dobët dhe mospërkushtimit të disa lojtarëve jo akoma në formë. Probleme reale? Apo kërkon tua ngecë fajin të tjerëve për të mbuluar simptomat e një krizë? Do ta mësojmë javën e ardhshme.
