Nuk ka më dilema, plotësohen 4 vazot e shortit të Champions-it, që do të hidhet të enjten në orën 18:00 në Stamboll.
Vazo e parë dhe e dytë ishin plotësuar prej kohësh, ndërsa dilema e vetëm kishte lidhje me vazon e tretë, ku mund të pozicionohej Olimpik Marseja. Por kjo dilemë tashmë është shuar me kualifikimin e Benfikës që kishte një koeficient më të lartë se francezët e kështu, këta të fundit duhet të kalojnë në vazon e katërt.
Dinamo Zagreb, Kopenhagen dhe Rejnxhërs, ishin 3 skuadrat që siguruan biletat e fundit në grupet e Champions-it, ndarja e skuadrave në vazo e bën të mundshme krijimin e të paktën një “grupi ferri”. Kjo, për shkak se në vazon e tretë ka skuadra si Borusia Dortmund, Inter, Napoli apo edhe Benfika e Sporting, që kanë histori në një turne të tillë, me Marsejën e Sëlltikun në vazon e katërt që mund të dhurojnë rezultate surprizë në çdo grup.
VAZO 1: Real Madrid, Eintracht Frankfurt, Manchester City, AC Milan, Bayern Munchen, Paris Saint-Germain, Porto, Ajax
VAZO 2: Liverpool, Chelsea, Barcelona, Juventus, Atletico de Madrid, Sevilla, RB Leipzig, Tottenham
VAZO 3: Borussia Dortmund, Salzburg, Shakhtar Donetsk, Inter, Napoli, Benfica, Sporting CP, Bayer Leverkusen
VAZO 4: Marseille, Club Brugge, Celtic, Maccabi Haifa, Viktoria Plzen, Rangers, Copenhagen, Dinamo Zagreb
KUR LUHEN NDESHJET: Ndeshjet e para: 6/7 shtator, ndeshjet e dyta: 13/14 shtator, ndeshjet e treta 4/5 tetor, ndeshjet e katërta 11/12 tetor, ndeshjet e pesta 25/26 tetor, ndeshjet e gjashta 1/2 nëntor
g.kosovari
