Nga pesë skuadra që synonin kualifikimin mbrëmë në Champions League, Barcelona ishte e vetmja që nuk ia arriti, e mundur 3-1 nga Manchester City, kur i mjaftonte edhe barazimi. Sot janë pesë skuadra të tjera që mund të kualifikohen në fazën me eliminim, ku tashmë kanë mbërritur Arsenal, Paris SG, Atletico Madrid dhe Bayern.
GRUPI E — Më i ekuilibruari pas gjysmës së ndeshjeve. Totenham pret Bayer Leverkusen, ndërsa Monaco pret CSKA-në e Moskës. Fitoret për skuadrat vendase e afrojnë shumë kualifikimin, por nuk e sigurojnë matematikisht.
Renditja: Monaco 5, Tottenham 4, Bayer Leverkusen 3, CSKA 2.
GRUPI F — Borussia Dortmund dhe Real Madrid kalojnë grupin nëse fitojnë sot. Dortmund pret Sportingun, ndërsa spanjollët luajnë në Varshavë, kundër Legias. Për Borussian është kthyer në stërvitje Marco Reus, Realit i mungon Pepe, i dëmtuar.
Renditja: Borussia 7, Real Madrid 7, Sporting 3, Legia 0.
GRUPI G — Nëse Leicester fiton në Kopenhagë arrin kualifikimin, por edhe barazimi e afton shumë. Porto mund të përfitojë nga takimi direkt i rivalëve, por më parë duhet të fitojë me Club Brugge në shtëpi.
Renditja: Leicester 9, Copenhagen 4, Porto 4, Brugge 0.
GRUPI H — Juventus arrin kualifikimin nëse mund Lionin në Torino, për të luftuar më pas me Sevillan për vendin e parë. Edhe spanjollët kualifikohen nëse mundin Dinamon e Zagrebit dhe Lioni nuk fiton në Itali.
Renditja: Juventus 7, Sevilla 7, Lion 3, Dinamo Zagreb 0.
gds/d.i.
Champions, pesë skuadra të tjera synojnë kualifikimin sot në mbrëmje
