Champions League merr formë sot me shortin që do të hidhet në orën 12:00, për të caktuar përballjet në play-off. Është raundi ku futen edhe përfaqësuesit e futbollit të madh, me skuadrat nga Spanja, Gjermania, Anglia e Itali, si dhe emra të tjerë të rëndësishëm jashtë këtyre vendeve. Përballjet e forta në këtë fazë nuk do të mungojnë, pasi kualifikimi i Ajaxit ka kaluar në vazon e dytë të të mëdhenjve Romën, duke rrezikuar një përplasje të fuqishme me Manchester City, Borussia MG, Porto apo Villareal.
Njëzet skuadrat pjesëmarrëse në play-off janë ndarë në katër vazo, që formojnë dy grupe.
Në grupin e skuadrave kampione, në vazon e parë janë: Viktoria Plzen, RB Salzburg, Celtic, Apoel Nikosia, Legia Varshavë. Vazoja e dytë: Dinamo Zagreb, Ludogorets, Kopenhagen, Hapoel Beer-Sheva, Dundalk.
Grupi i skuadrave jo kampione, në vazon e parë ka: Manchester City, Porto, Villarreal, Ajax, Borussia M’gladbach. Vazoja e dytë: Roma, Steaua, Monaco, Young Boys, Rostov.
Ndeshjet e para janë më 16-17 gusht, kthimi pas një jave.
d.i.
