Ish-trajneri i Kombëtares shqiptare, Gianni De Biasi, në një intervistë për “TuttoMercatoweb” nuk i ka dhënë asnjë shans skuadrave italiane për të përmbysur rezultatin përballe Realit dhe Barcelonës.
“As Roma dhe as Juventus nuk do të kalojnë turin, ka një vlerë teknike të ndryshme në krahasim me Barcelonën dhe Real Madridin”, e nisi intervistën e tij De Biasi.
Në fund 61-vjeçari ka folur edhe per veten, teksa tregon se pret t’i mbërrijë një mundësi.
• Si mund të rifillohet?
“Nëse do të ishin gati lojtarët italianë për skenat e rëndësishme, kombëtarja italianedo të ishte në Kupën e Botës. Duhet durim. Duhet të vendosësh të luajnë të rinjtë, pa presion dhe pa frikën se mund të bëjnë gabime. Por në Itali kjo nuk ndodh.
• Roma-Barcelona, e lëmë mënjanë kalimin e turit, çfarë loje prisni?
“Një ndeshje krenaria nga ana e Romës. Por Barcelona është mësuar në këtë kontekst kaq të rëndësishëm, të luajë në stadiume gjithmonë të mbushura. Kampionati spanjoll ka skuadra të nivelit të rëndësishëm. Ka lojtarë me cilësi të lartë, një përbërje të rëndësishme.
• E ju Mister?
“Unë pres që të më mbërrijë një mundësi. Jam një person shumë i hapur ndaj çdo opsioni. Gabova zgjedhjen për të shkuar në Spanjë, te Alavesh. Një zgjedhje emotive dhe jo e menduar siç duhej të bëja duke parë eksperiencën time”, përfundoi De Biasi.
a.ç
