Buffon për median spanjolle flet me detaje dhe analizon kundërshtarët duke thënë se Real Madrid është një skuadër e fortë që ka fituar shumë tituj ndërsa sqaron se në finalen e Championsit të vitit të kaluar Juventusi shkoi me shumë vetbesim.
“Në atë kohë fitoi skuadra më e fortë ndërsa ajo që duhet të bëjmë ne është që të tregojmë në fushën e lojës të gjitha cilësitë që kemi”, ka thënë Buffon në një intervistë për gazetën spanjolle Marca.
Kapiteni i bardhezinjve, të cilëve do u mungojnë Benatia dhe Pjanic në ndeshjen e nesërme shton se:” Asnjë skuadër nuk është e pamposhtur. Real Madrid është favorit por shanset janë 50 me 50 pasi Juventusi është një skuadër e madhe që di të fitojë tituj”.
Gardiani i portes se Juve e mbyll me dy fjalë për Cristiano Ronaldon duke thënë se e admiron portugezin, pasi “është një vrasës para porte”.
ma.me
