Pyjet në vende si Brazili apo Kongo janë në qendër të vëmendjes së konservatorëve dhe është e lehtë të kuptohet se përse. Amerika Jugore dhe Afrika Sub-Sahariane po përjetojnë shpyllëzime në shkallë të madhe. Çdo vit gati 5 milionë hektarë humbasin.
Por pyjet po ndryshojnë edhe në vendet e pasura perëndimore. Ata po shtohen shumë, në kuptimin që po ‘pushtojnë’ më shumë tokë dhe pemët janë gjigande. Por çfarë po ndodh?
Pyjet janë duke u përhapur në të gjitha vendet perëndimore, me rritjen më të shpejtë historike. Në vitin 1990, 28% e Spanjës ishte e pyllëzuar. Tani sipërfaqja që zënë pyjet në territorin spanjoll është 37%. Më Greqi dhe Itali rritja është në 32%, nga 26% që ishte në po të njëjtën periudhë.
Pyjet gradualisht po marrin më shumë tokë edhe në Amerikë e Australi. Më e habitshme është tendenca në Irlandë. Kur kjo e fundit fitoi pavarësinë në vitin 1922, vetëm 1% e territorit ishte i pyllëzuar. Sot, pyjet mbulojnë 11% dhe qeveria dëshiron ta rrisë pyllëzimin në 18% deri në vitin 2040.
Por dy faktorë po e shkaktojnë këtë situatë. Së pari, braktisja e tokës bujqësore sidomos në vendet e larta dhe të thata ku asgjë nuk rritet. Kur fermerët heqin dorë nga jetesa me ullinj apo duke rritur dele, pemët thjeshtë bëjnë përpara. E dyta janë politikat e qeverive dhe subvencionimi.
Qeveritë kanë mbrotjur dhe promovuar pyjet për arsye të ndryshme, duke filluar nga nevoja për anije luftarake prej druri deri në programet për ndërtimin e shtëpive në periferi. /The Economist/JavaNews/
