Edhe mbas ndërprerjes se seances plenare, tensioni në sallë ka qenë mjaft i lartë. Deputeti Noka i bërtiste me të madhe Kryeministrit Rama që nuk lëvizi nga foltorja. Ramai kërkonte edhe Nokës, edhe Berishës që të rivendosej qetësia. “Flamur, po flasim gjëra serioze këtu. Më ler të dëgjojë Saliu se ai është opozita e vetme në vend”, ironizoi Rama, që mundi të sigurojë vetë largimin e Berishës nga salla.
Fiks në këtë moment, ndërsa Berisha largohej, Noka përfshihet në konflikt verbal e pothuaj fizik me deputetin Sadri Abazi. Vetëm ndërhyrja e gardës e pamundësoi këtë kontakt fizik. Me largimin e Berishës, u krijua një tjetër vatër tensioni në “segmetin” Rama-Paloka. Ndëmjet kryeminstrit dhe deputetit u vu një tjetër gardh i gardës. Paloka ju afrua dhe u largua disa herë Ramës, por në fund u largua nën ironinë e zakontë të Ramës, kësaj here për veshjen e tij sportive. Plus dhe “këshillën” që të largohej nga seanca me taksi.
Kaosi vazhdoi për minuta të tëra dhe PD e braktisi sërish seancën. Në sallë mbeti vetëm Topalli dhe Patozi, ndërsa Rama vazhdoi fjalimin e tij aty ku e la. Tek Lazarati dhe tek kontrasti që sipas tij e ndan qeverinë e tij nga e djeshmja.
ma.me
