Ish-ministri i Brendshëm, Saimir Tahiri, ka njoftuar një dalje urgjente për mediat ditën e nesërme.
Ish-ministri, i cili akuzohet për favorizim të grupit Habilaj, do të flasë pas një heshtje disamujore
Burime pranë ish-ministrit nuk pranuan të japin detaje, por thanë se gjithçka do të mbetet surprizë deri në momentin e fundit.
Dalja për mediat e Tahirit do të jetë në një sallë konferencash të një prej hoteleve të njohura në Tiranë.
Ish-ministri i Brendshëm ka qëndruar i distancuar nga mediat që prej dorëzimit të mandatit të deputetit në maj të këtij viti, për të qenë i gatshëm për t’u përballur me akuzat e drejtësisë për trafik droge me Habilajt.
Hetimet për Saimir Tahirin u shtynë dhe për tre muaj. Gjatë kësaj kohe ish-ministri i Brendshëm na ka treguar se ka udhëtuar nëpër Shqipëri duke ndjekur pasionet e tij. Por akuzat politike për të nuk kanë reshtur.
a.ç
