Ka përfunduar seanca Rama-Ristani në Gjykatën e Lartë. Të pranishëm në seancë nuk ishin as kryeministri Rama e as sekretari i Partisë Demokratike Ardben Ristani. Ata përfaqësoheshin nga avokatët e tyre.
Pas seancës avokati i Ristanit tha se çështja duhet të pushohet. Sipas avokatiti të Ristanit Ivi kaso, klienti i tij duhet të shpallet i pafajshëm.
Avokati Kaso tha se Ristani ka folur në emër të forcës politike që përfaqëson.
Rama ka paditur për shpifje demokratin Ristani pas sulmeve të njëpasnjëshme të këtij të fundit, duke akuzuar se kryeministri ishte i lidhur me krimin.
