Kisha Ortodokse Serbe e konsideron se çështja e Kosovës ndodhet në fazën historike, ndërsa ajo dëshiron të jetë pjesë e kësaj historie. Gjashtë peshkopë të Kishës Ortodokse Serbe (SPC) kanë kërkuar nga Sinodi që të caktojë Kuvendine SPC-së në mënyrë që kisha të deklarohet dhe të marrë qëndrim unik për zgjidhjen e çështjes së Kosovës, shkruan e përditshmja e Beogradit, “Blic”, duke cituar burime nga Patrikana, transmeton Koha.net.
Çështja e Kosovës po hyn në fazën e saj finale dhe është e domosdoshme që kisha të përcaktohet ndaj zhvillimeve. Kisha duhet të thotë me një gojë se cili është kufiri deri ku po shkojmë , të bëjë publike qëndrimin e kuvendit kishtar në situatën në të cilën ndodhet populli dhe shteti, citon kjo gazetë njërin nga peshkopët.
Ai është shprehur se ky njëmend është moment historik dhe se ka nevojë për një qëndrim të tillë historik të kishës rreth çështjes më madhore, i cili do t’i bëhet i ditur popullit dhe shtetit.
Theksohet se mbajtja e Kuvendit nuk është as për, as kundër presidentit Vuçiq dhe se do të ishte gabim nëse interpretohet ashtu, përfundon “Blic”. (b.an)
