Drejtori ekzekutiv i DeepMind të Google, Demis Hassabis, shprehet i shqetësuar për teknologjinë e inteligjencës artificiale, jo për mundësinë që mund të na marrë vendet e punës, por se mund të bjerë në duart e gabuara.
Në një intervistë për CNN, Hassabis u shpreh se të dyja aspektet janë të rrezikshme dhe sfiduese. Kjo për shkak të mungesës së barrierave mbrojtëse për modelet e sofistikuara dhe autonome të inteligjencës artificiale.
Shqetësim për CEO-n mbetet keqpërdorimi i kësaj teknolojie në jetën e përditshme me qëllim dëmtimin.
“Një aktor i keq mund të ripërdorë të njëjta teknologji me qëllim për të dëmtuar. Një gjë është e rëndësishme, si ta kufizojmë aksesin në këto sisteme, sisteme të fuqishme, për aktorët e këqinj? Si t’u mundësojmë aktorëve të mirë të bëjën shumë gjëra të mahnitshme me këto (sisteme)?”, tha ai.
Hassabis beson se është i nevojshëm një marrëveshje ndërkombëtare lidhur me si duhen të përdoret inteligjenca artificiale, e të sigurohet se përdoret vetëm për qëllime pozitive.
Kujtojmë se vetëm disa ditë më parë, përmes inteligjencës artificiale, u imitua Susie Wiles, shefja e stafit presidencial, për të intimiduar administratën e Donald Trump. Intimidimi erdhi përmes mesazheve kërcënuese, disa të cilave ‘bënin sens’, e disa jo. Dyshohet se është përdorur AI për të imituar zërin e Wiles. Ky është një rast që tregon jo vetëm përparimin që ka bërë teknologjia e inteligjencës artificiale, por dhe rrezikun e saj.
