Komisioneri Shtetëror Zgjedhor kundërshton qeverinë për 2 projektligje të cilat u miratuan në fillim të janarit, konkretisht “Paketa e Maleve” dhe disa ndryshime në pr.ligjin “Për tatimin e vlerës së shtuar”, pasi bien ndesh me kodin zgjedhor.
Nisur nga një ankesë e KRIIK (Koaliconi për Reforma, Integrim dhe Institucione të Konsoliduara), drejtuar Komisionerit Zgjedhor, nga analiza ligjore e këtij institucioni rezulton se të dyja këto projektligje kanë ndikim të drejtpërdrejtë në sektorin ekonomik dhe tregtar dhe ccdo veprim i tillë, mund të cënojë parimin e barazisë mes aktorëve ekonomikë në prag të zgjedhjeve.
Komisioneri Zgjedhor thotë se ndryshimet e propozuara mund të krijojnë perceptimin e përdorimit të mjeteve ligjore për qëllime elektorale.
Për këtë arsye, përmes vendimit nr.83 dt 11.02.2025, KOmisioneri i ka kërkuar Kuvendit të mos përfshijë për shqyrtim në seancë plenare këto 2 pr.ligje.
Kuvendi e ka cilësuar të padrejtë vendimin e Komisionerit Zgjedhor dhe përmes një shkrese të firmosur nga Sekretari i Përgjithshëm i Kuvendit, Genc Gjoncaj, ka kërkuar shfuqizimin e pikës 2 të vendimit nr.83 i cili pengon shqyrtimin e 2 pr.ligjeve në kuvend dhe lejimin e vijimit të procedurave parlamentare.
Për ankesën e Kuvendit, Komisioni i Ankimimeve dhe Sanksioneve, KAS, ka lajmëruar të mblidhet ditën e mërkurë dt 19 shkurt, ndërsa të martën, Komisioneri Shtetëror Zgjedhor do të diskutojë të martën raportin “Për vlerësimin e raporteve të monitoruesve të fushatës zgjedhore për periudhën e monitorimit 10 deri më 15 shkurt 2025 dhe shqyrtimin administrativ të disa denoncimeve të PD dhe KRIIK.
