Numrat aktivë të telefonisë celulare kanë arritur në afro 3.88 milionë në fund të tremujorit të tretë të këtij viti. Sipas të dhënave nga Autoriteti i Komunikimeve Elektronike dhe Postare, numrat celularë aktivë janë zgjeruar me afro 15% gjatë tremujorit, rritje kjo ndjeshëm më e lartë krahasuar me tendencën e tremujorëve të fundit.
Rritja e numrit të përdoruesve aktivë duket se lidhet kryesisht me sezonin e pushimeve, që sjell aktivizimin e më shumë numrave të rinj telefonikë nga turistë apo emigrantë të kthyer për pushime.
Edhe trafiku i komunikimit është rritur gjatë tremujorit të tretë, si në thirrje, ashtu edhe në mesazhe të shkruara. Volumi i thirrjeve telefonike dalëse nga rrjetet celulare ka arritur në rreth 1.76 miliardë minuta, në rritje me 4.3% krahasuar me tremujorin e mëparshëm.
Ndërkohë, numri i mesazheve të shkruara i është kthyer rritjes dhe ka arritur në 406 milionë, 2.2% më shumë krahasuar me tremujorin e dytë.
Dita/d.i.
