A është prjektuar ai si pasardhës i Edi Ramës në krye të Partisë Socialiste. Kjo është pyetja që po qarkullon në opinionin publik pasi Veliaj çeli Kongresin e kësaj force politike. Ja si e komenton Veliaj i pyetur nga Sokol Balla në studion e “Top Story”.
“Është ajo që ndodh në shumë qytete. Ai që është i zoti i shtëpisë hap një konvent. Unë atë ditë kam qenë jashtë orarit zyrtar të punës. Mos të lexojmë gjërat përtej një rutine”, tha Veliaj.
Pavarësisht zhvillimeve të sotme gjatë protestës kundër parkut të lodrave te liqeni, Kryetari i Bashkisë së Tiranës Veliaj ripërsëriti qëndrimin se nuk do të ketë tërheqje nga projekti.
Veliaj tha se protestat kanë sjellë disa vonesa të vogla, por ai tha se në qershor parku do të jetë gati për fëmijët.
“Tirana e gjitha në kantier. Disa vonesa të vogla te parku por më 1 qershor do ta inaugurojmë”, tha Veliaj.
Veliaj i’u përgjigj edhe akuzave të opozitës për paligjshmëri të projektit të parkut. Ai tha se “këndi i lojrave të fëmijëve ka leje nga KKT”.
Po ashtu kreu i bashkisë tha se janë projektuar 11 parqe të ngjashme në disa lagje të kryeqytetit.
