Komisioneri i Zgjedhjeve Ilirjan Celibashi u ka dërguar një letër kryetarëve të partive parlamentare në vendin tonë si dhe Komisionit të Reformës Zgjedhore, ku evidenton disa çështje që duhet të shqyrtohen për zgjedhjet e ardhshme parlamentare dhe Kodin Zgjedhor.
Në letrën e tij, Celibashi sjell në vëmendje votën e emigrantëve, për të cilën duhet të përmbushen kushtet ligjore. Në një kohë kur zgjedhjet e ardhshme janë në vitin 2025, kreu i KQZ kujton se përgatitja për të realizuar për herë të parë votimin e emigrantëve kërkon kohë jo më pak se 1 vit.
Një tjetër çështje që ngre Celibashi është edhe ajo e votimit dhe numërimit elektronik në disa qarqe, që nëse realizohet KQZ pret të njoftohet deri në fund të muajit Shkurt 2024 për të nisur më pas përgatitje.
/f.s
