Shkencëtarët në Imperial College në Londër kanë vlerësuar se secili person i infektuar me koronavirusin Wuhan mund të infektojë dy deri në tre persona të tjerë, sipas një raporti të lëshuar të Shtunën.
“Ne vlerësojmë që, mesatarisht, secili rast të infektojë 2.6 (diapazoni i pasigurisë: 1.5-3.5) persona të tjerë, bazuar në një analizë që ndërthur vlerësimet tona të së kaluarës për madhësinë e shpërthimit në Wuhan me modelimin kompjuterik të potencialit dhe trajektoret e epidemisë, “thuhet në raport.
“Kjo nënkupton që masat e kontrollit duhet të bllokojnë mbi 60% të transmetimit për të qenë efektiv në kontrollin e shpërthimit,” shtoi ai.
Kur bëhet fjalë për shpërthime, shkencëtarët dhe ekspertët e shëndetit publik janë të shqetësuar se sa shpejt mund të përhapet një sëmundje dhe shkalla e vdekshmërisë së saj.
Top Channel është përpjekur gjatë këtyre ditëve të jetë pranë shqiptarëve që ndodhen në Kinë e sidomos në vatrën e koronavirusit të tipit të ri në Whuan.
Gjatë edicionit informativ në Top Channel u komunikua me një prej studenteve shqiptare Silva Doci, e cila ndodhet ende në provincën kineze të izoluar.
“Unë kam 12 vjet që jam këtej, jam studente doktorature, nuk jam larguar nga këtu sepse kam shkollën. Në fillim kisha pak kollë, por tani jam mirë kam bërë gjithë analizat dhe jam shumë mirë, ishte thjesht grip sezonal, megjithatë nesër do të bëj dhe një test të fundit për të vërtetuar nëse jam apo jo mbartëse e virusit.
I kam ndjekur lajmet dhe sidomos familjarët janë shqetësuar, pasi unë jam e vetmja në Wahan dhe kjo gjë i stresoi shumë familjarët e mi.
Tashmë këtu rutina ka ndryshuar, pasi shumica e gjërave janë mbyllur për të krijuar sa më pak mundësi të grumbullimit të njerëzve. Unë jetoj në
Universitet brenda dhe këtu janë gjithë kushtet e nevojshme. Për mua dhe shqiptarët e tjerë më kanë kontaktuar për ndihmë, por deri më tani askush nuk mund të largohet nga Wahan edhe ambasada ka kontaktuar me mua për tu interesuar për gjendjen”, tha ajo.
g.kosovari
