Një fjalë e urtë thotë: Çdo mbjellësh do të korrësh! ISIS prej muajsh po mbjell terror në Siri e Irak, terror që duket se po i kthehet kundër vetvetes. Një grup i ri në Siri po lufton sipas parimit të talionit, “sy për sy e dhëmbë për dhëmbë”, ISIS-n duke iu përgjigjur terrorit me terror.
Të vetëquajturit Jaysh Al-Islam (shqip Ushtria e Islamit) ka publikuar në internet një video ku propagandon forcën e vet, por edhe pjesë nga ekzekutimi i një grupi personash, që pretendohet se janë ushtarë të ISIS-it.
Në videon e publikuar nga “Jaysh Al-Islam” militantët e ISIS-it, të veshur me të zeza janë të gjunjëzuar nën këmbët e grupit të pushkatimit të veshur me uniforma portokalli, të njëjta me ato që kemi parë shpesh të veshin viktimat e ISIS-it.
Në videon e gjatë rreth 19 minuta thuhet se “Jaysh Al-Islam” përbëhet nga 25 mijë ushtarë dhe ka lindur pas bashkimit të shumë grupeve të vogla që luftonin ISIS-in në Siri. Në video propagandohet edhe forca e tij, duke shfaqur disa blinda ushtarakë, përfshirë këtu edhe tanke si dhe një numër të madh ushtarësh.
