Më shumë se 16 milionë fëmijë kanë lindur në vitin 2015 në zona konfliki, si Afganistani, Sudani Jugor, Siria dhe Jemeni, apo në udhëtimet e vështira për t’i shpuar luftimeve, thuhet në një raport të UNICEF-it. Që do të thotë se 1 në 8 fëmijë të mbarë botën lind ka lindur në zonë luftem ose një i porsalindur në çdo dy sekonda, transmeton Koha.net.

“A mund të ketë fillim më të keq të jetës?”, ka pyetur drejtori Ekzekutiv i UNICEF-it, Anthony Lake, duke kërkuar që të bëhet një përpjekje më të madhe drejt ndihmës për fëmijët në të ardhmen. “Muajt e fundit të vitit 2015 kanë parë botën që të bashkohet në luftën kundër ndryshimeve klimatike, dhe një agjende të zhvillimit global. Këto marrëveshje ambicioze paraqesin një mundësi të madhe nëse mund t’i kthejmë në aksion për të mirën e këtyre fëmijëve. Nëse zgjidhim këto probleme, atëherë vitin 2016 mund ta bëjmë vitin e shpresës për miliona njerëz, dhe jo një vit dëshpërimi”, ka thënë ai.

Të dhëna të tjera statistikore nga UNICEF-i:

Më shumë se 200 mijë fëmijë kanë aplikuar për azil në vendet e Bashkimit Evropian në nëntë muajt e parë të vitit 2015, duke i shtuar rreth 30 milionë fëmijë në mbarë botën që janë detyruar të largohen nga vendet e tyre gjatë vitit 2014 për shkak të luftës, dhunës apo keqtrajtimit. Që nga Lufta e Dytë Botërore, tani ka më së shumti njerëz të shpërngulur.
Më shumë se çereku i një miliard fëmijë, ose 1 në 9 prej tyre jeton në një vend apo arenë konflikti dhe përballet me pengesa të mëdha për shëndetin e tyre, edukimin dhe mirëqenien.
Më shumë se gjysmë miliard fëmijë jetojnë në zona ku përmbytjet janë jashtëzakonisht të zakonshme dhe gati 160 milionë jetojnë në zonat e larta ose shumë të larta të thatësirës së ashpër.
Fëmijët përfaqësojnë pothuajse gjysmën e të gjithë njerëzve që jetojnë në varfëri të skajshme edhe pse ata përbëjnë afërsisht një të tretën e popullsisë së botës.