Cavani nuk e sheh më të ardhmen e tij në Francë. Sulmuesi i PSG-së, po mendon alternativa të reja për karrierën, ndaj është kthyer në një nga lojtarët më të kërkuar në merkato.
I shitur në vitin 2013 nga Napoli, Cavani i ka kushtuar 65 milionë euro PSG-së e cila e lë të lirë nëse një klub do të ofronte 50 milionë euro.
Prezenca e Ibrahimovic-it te klubi francez e lë në hije sulmuesin uruguaian, ndaj dhe ky i fundit po kërkon largimin, duke parë dhe faktin se Ibra do të qëndrojë edhe për 1 sezon tek PSG-ja.
Për “matadorin” ka shumë oferta si nga Juventus-i, Atletico Madrid-i dhe Manchester United, të cilët kërkojnë të forcojnë sulmin me lojtarin që ka shënuar 48 gola në 89 ndeshje. E ardhmja e tij mbetet ende një enigmë, pasi arabët janë në pritje të klubit, i cili do të jetë i gatshëm të pranojë pagesën prej 50 milionë euro.
Redaksia Online
(JavaNews.al)
