Dënimi për doping i Maria Sharapovës është reduktuar në 15 muaj nga Gjykata e Arbitrazhit për Sport (CAS). Ish tenistja numër një në botë do të jetë e lirë të rikthehet në tenis më 26 prill të vitit 2017 pasi CAS reduktoi nëntë muaj nga dënimi fillestar prej dy vjetësh për përdorim të një substance të ndaluar, përcjell “Zëri.info”.
Rezultati pozitiv i testit të Sharapovës erdhi gjatë Australian Open të këtij viti, më pak se katër javë pasi ajo substancë (meldonium) ishte përfshirë në listën e të ndaluarave nga Agjencia botërore anti-doping.
Federata Ndërkombëtare e Tenisit kundërshtoi ankesën e Sharapovës në CAS. Por, CAS e pranoi atë dhe ia reduktoi dënimin me arsyetimin se: “ajo pranoi një pjesë të fajit, për të cilin periudha prej 15 muajsh është dënim i mjaftueshëm”. (b.an)
