Në spektaklin e djeshëm “Your Face Sounds Familiar”, Arian Çani e ka krahasuar Bleonën me Angelina Jolie.
Ky mund të quhet edhe kulmi tjetër i marrëdhënies së tyre që pas emisionit Zonë e Lirë kur moderatori e puthi në buzë Live (shtatorin e kaluar duke i thënë : “E kam shumë xhan”. Por cfarë ka ndryshuar që prej kohës që të dy zinin faqet e kronikës rozë, sepse Bleona deklaronte nëpër studio televizive:“Arian Çani është një copë idjoti”, ndërsa gazetari nuk linte rast pa përmendur në emisionin e tij vargjet që kishte shpikur vetë: “O Bleona, o Bleona i ke bythët si vagona”.
Një pjesë të sherrit që nis që prej vitit 2002 e ka treguar vetë Çani në “Zonë e Lirë”: “Bleona, unë me ty nuk kam asgjë përveçse jam i çuditur, që dikur në vitin 2002 babai yt më erdhi të redaksia e Gazetës Shqiptare. Unë nuk mbaj mend nëse e takova apo jo, por më thanë se ishte shumë i nxehur me mua, për një shkrim që ishte botuar në gazetë. Vetëm kjo më ka bërë përshtypje dikur”, i ka thënë ai kur janë takuar pas kaq kohësh.
Por tani me sa duket gjithçka është sheshuar. Bleona i shkoi në studion e tij dhe tani që janë bashkë në “Your Face Sounds Familiar” Çani i ka me vagona komplimentat për Bleonën.
Express
