Koreja e Veriut përfundoi fazën përgatitore për testin e pestë bërthamor që pritet të kryhet në çdo moment, deklaroi presidentja koreano-jugore ndërsa media raporton për një tjetër test me raketa me rreze të mesme veprimi.
Shqetësimet janë në rritje rreth mundësisë së kryerjes së testit të pestë bërthamor nga ana e Koresë së Veriut para kongresit të jashtëzakonshëm të Partisë së Punëtorëve në pushtet, parashikuar të zhvillohet në fillim të majit.
Ky kongres, për herë të parë prej 36 vitesh është rasti më i favorshëm për udhëheqësin koreano-verior Kim Jong-Un për të shpalosur arritjet e programeve bërthamore dhe balistike të vendit të tij.
