Kryeministri britanik, David Cameron do të paralajmërojë liderët evropianë se do “ta rimendoj” qëndrimin e Mbretërisë së Bashkuar brenda Bashkimit Evropian, nëse kërkesat e tyre për reforma, sërish “bien në vesh të shurdhër”. Cameron pritet që të martën përmes një letre drejtuar presidentit të Këshillit të Evropës Donald Tusk, të paraqes kërkesat e ndryshimeve që kërkon vendi i tij, shkruan BBC.
Letra për Donald Tusk do të shënojë fillimin e rinegocimeve formale të Britanisë së Madhe e si anëtare e BE-së. Konservatorët kanë premtuar një referendum në vitin 2017 nëse duan apo jo të qëndrojnë në BE. Në një fjalim të martën, zoti Cameron pritet që të thotë: “Nëse ne nuk mund të arrijmë një marrëveshje të tillë mbi reformat, dhe në qoftë se shqetësimet e Britanisë bien në vesh të shurdhër, që unë nuk besoj se do të ndodhë, atëherë ne do të duhet të mendoni përsëri nëse Bashkimi Evropian është i drejtë për ne”.
