Dy ditë më parë u bë një denoncim për një tabletë që konsumohej nga nxënësit si çamçakëz, por që shkaktonte përgjumje.
Plocia e Shtetit ka njoftuar se nga analizat e bëra në substancën në formë tableta të kapur në një shkollë në Yzberisht ditën e premte, rezulton se kjo tabletë nuk përmban lëndë psikotrope.
Sipas analizave në sektorin e toksikologjisë pranë ISHP, policia bënë të diutur se substanca në formë tableti, në ngjyrë jeshile, që dyshohet se përgjum fëmijët, është arritur në përfundimin që nuk ka prani të ndonjë lënde psikotrope dhe rezulton të ketë në përbërje vitaminë E.
Pavarësisht këtij rezultati të nxjerrë, strukturat e Policisë do të vazhdojnë kontrollin dhe monitorimin në të gjitha shkollat.
Rasti për çamçakëzin që dyshohet se përgjum nxënësit e shkollave në Tiranë u bë i ditur nga një mësuese e një shkolle 9-vjeçare në Tiranë, e cila lajmëroi prindërit e nxënësve të një klase, pasi ajo kishte vënë re një substancë që ka formën e një çamçakëzi, i cili përdoret nga disa fëmijë.
Mësuesja kishte konstatuar se nga përdorimi i këtij “çamçakëzi” fëmijët pësojnë një gjendje përgjumjeje dhe është e dëmshme.
/a.r
