Ministri në detyrë për Evropën dhe Punët e Jashtme, Gent Cakaj, zhvilloi ditën e sotme një bisedë online me Ministren federale për Bashkimin Evropian dhe Kushtetutën të Austrisë, Karoline Edtstadler.
Me anë të një postimi në facebook, Cakaj bëri me dije se biseda u fokusua tek masat që kanë marrë dy vendet, për të mposhtur pandeminë dhe tek bashkëpunimi i tyre për të përballuar të gjithë pasojat e COVID-19.
Më tej, Cakaj theksoi se diskutimi me Ministren Edtstadler u ndal edhe në përgatitjet që Shqipëria ka ndërmarrë, për të vazhduar punën e mirë në procesin e negociatave për anëtarësim në BE.
Postimi i Gent Cakaj:
Sapo zhvillova një bisedë shumë të vyer me Ministren federale për Bashkimin Evropian dhe Kushtetutën të Austrisë, Karoline Edtstadler 🇦🇱🇦🇹!
Biseduam hollësisht lidhur me masat që kanë marrë dy vendet, për të mposhtur pandeminë dhe për bashkëpunimin tonë për të riparuar të gjithë pasojat e saj, sa më parë!
Po ashtu, diskutuam edhe mbi përgatitjet e Shqipërisë, për të vazhduar punën e mirë dhe përmbushjen e detyrimeve në procesin e negociatave për anëtarësim në BE!
Austria mbështet plotësisht rrugëtimin e Shqipërisë drejt Bashkimit Evropian!
Pavarësisht COVID-19, ne kemi ruajtur vëmendjen tek prioritetet themelore në procesin e integrimit evropian!
/e.rr
