Kryetari i Opozitës Lulzim Basha ka akuzuar edhe njëherë kryeministrin Rama se po mban peng draftin e rakorduar me Komisionin e Venecias për Byronë Kombëtare të Hetimit. Sipas Bashës, Byroja e cila do të luftojë korrupsionin në nivele të larta nuk mund të jetë në varësinë e Ministrit të Brendshëm.
“Është qeveria ajo që ka përgjegjësinë për të dhnë konsensusin ose për ta zbatuar me që pretendon se e ka dhënë konsensusin. Projekti i Byrosë që pretendon, nuk ëhstë ai i Edi Ramës. Kush është ai që beson se lufta kundër korrupsionit mund të bëhet më mirë nën drejtimin e Ministrit të Brendshëm ,sidomos këtij ministri. Kush është faktori i parë i korrupsionit? Është qeveria. Projekti i Ramës ra me vendimin e Gjykatës Kushtetuese. Byroja nuk është më i njëjti projekt, është ajo siç ëhstë konceptuar nga SHBA. Një instument i përhershëm i prokurorisë dhe policisë gjyqësore për të luftuar korrupsionin. Drafti është rakorduar. Pas rakordimit ka ardhur edhe mendimi i Komisionit të Venecias që Byroja nuk mund të jetë në varësi të Pollicisë”, tha Basha.
Më tej kreu i selisë blu tha se Rama ka frikë nga lufta e korrupsionit në nivelet e larta, për të mbuluar abuzimet masive të qeverisë dhe ministrave të tij.
“Sot nëse ka vullnet politik nuk ka pëse presim më. Ta çojmë në Parlament sipas vërejtjeve të Venecias dhe ta miratojmë.
Problemi qëndron se Edi Rama ka frikë nga hetimi i korrupsionit në nivelet e larta dhe gjithçka është një farsë. Është absurde të presim kur ne jemi rakorduar, kjo nuk kërkon as ndërhyrje në kushtetutë”, tha kryeopozitari Basha.
