Lulzim Basha ka folur në Kuvend fill pas kryeministrit Rama ndërsa ka sjellë në vëmendje Papa Françeskun.
Sipas kreut të PD-së, Edi Rama po shfaq shenjat e një politike perverse dhe po zëvendëson të vërtetën me gënjeshtrën.
“Na ishte një kohë kur Rama nuk kishte fjalim pa cituar Papa Françeskun. Ishte koha kur donte t’i mbushte mendjen botës, se ecte në rrugën e Zotit. Por kjo ishte fasadë sepse vazhdoi rrugën me Elvis Rroshin, Saimir Tahirin e me shokë. Ndaj sot është për t’ia kujtuar Edi Ramës paralajmërimin e Papa Françeskut, që siç thotë ai, etja për pushtet dhe para arrihet duke shkelur mbi njerëzit” – tha Basha ndër të tjera.
Ai tha se Papa ka folur sikur ishte përpara Edi Ramës.
“Manipulator i gatshëm përherë ta shesë gënjeshtrën si të vërtetë. Pak ditë më parë, ky na u shfaq në shtëpinë e një familje të thjeshtë tëe Bulqizës, me arrogancën e njeriut që di çdo të vërtetë. Ai gënjeu para shqiptarëve. Sajesë të kazanëve të Italisë e quajti dramën e fëmijëve të Bulqizës” – tha Basha duke iu referuar një reportazhi të italianëve pak ditë më parë.
Basha tha se ky buxhet ka dy qëllime kryesore. Sipas tij, synon privatizimin e spitaleve dhe shkollave, si dhe pastrimin e parave të drogës.
“Heqja e taksave për hotelet e luksit do t’i hapë rrugë pastrimit të parave. Në këtë mënyrë, duke mos pasur asnjë detyrim fiskal, paratë e krimit do të investohen në hoteleri. Një familje që jep me qera një dhomë me 20 mijë lekë të vjetra, do të paguajë TSVH. Ndërsa hoteli i Klement Balilit nuk do të paguajë asnjë taksë” – tha Basha. /JavaNews/b.d
https://www.facebook.com/lulzimbasha.al/videos/1691872094197298/
Rama prezanton Buxhetin 2018: Në thelb shtetbërja, mirëqenia dhe punësimi
