Në mbledhjen e Komisionit të Ligjeve, sekretari i Përgjithshëm i presidencës, Florian Nuri, tha se institucioni i Presidencës ka nevojë për më shumë fonde për investime në buxhetin e vitit 2017.
“Na rrezikohet energjia se na është prishur sistemi elektrik. Na duhen investime për sistemin e IT, jemi në vështirësi. Është e turpshme të diskutohen të tilla gjëra për një institucion kushtetues” -deklaroi Nuni.
Sekretari i Presidencës theksoi se edhe në vitin 2016, presidenca kërkoi 20 milionë lekë për shpenzime operative, por iu alokuan vetëm 10 milionë. Edhe vitin e kaluar Presidenca pati kontestime për buxhetin, duke kërkuar më shumë fonde në kuadër të evenimenteve dhe shpenzimeve operative të parashikuara nga ky institucion.
ma.me
