Kryediplomati Ditmir Bushati reagoi sot pas vendimit të Tribunalit të Hagës për dënimin me 40 vite burg të ish-liderit të serbëve të Bosnjes, Radovan Karaxhiç, ndaj të cilit rëndonin akuza të shumëfishta.
Në një postim në rrjetin social “Twitter’, ministri i Jashtëm, shkruan se “viktimat e ish-Jugosllavisë meritonin që të vihej drejtësia”.
Bushati shprehet se “vendimi i sotëm ndaj Karaxhiç dëshmoi se e vërteta fitoi mbi mohimin”.
Në leximin e vendimit, gjykata e shpalli sot fajtor Radovan Karaxhiç për akuzën e genocidit për masakrën e Srebrenicës, krime kundër njerëzimit në zona të ndryshme të Bosnjes, shfarosje, shkelje të rregullave të luftës, etj.
