Shqipëria dhe Kosova kanë një konsullatë të përbashkët në Bari të Italisë. Zyra konsullore atje do t’u shërbejë tashmë edhe qytetarëve nga Kosova.
Lajmi u bë publik nga ministri i jashtëm Ditmir Bushati.
Ja postimi i Bushatit në Facebook:
Shqipëri-Kosovë konsullatë të përbashkët edhe në Bari!
Konsullata e Shqipërisë në Bari do të jetë në shërbim edhe të qytetarëve të Kosovës. Partneriteti strategjik Shqipëri-Kosovë thellohet dita ditës përmes veprimeve konkrete në zbatim të planit afat-mesëm të dakordësuar me kolegun e mikun tim Enver Hoxhaj. Faleminderit autoriteteve Italiane për disponibilitetin e dëshmuar.
Po vijojmë punën për të konkretizuar së shpejti Konsullatën e Përbashkët në Mynih, Gjermani!
