• Kontakt
  • Kreu
  • Rreth Nesh
Saturday, November 14, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Bushati: Pengesat politike pamundësojnë tregun e përbashkët rajonal, rruga është integrimi në BE

by A R
20/04/2017 16:37
Shperndaj ne FacebookShperndaj ne Twitter

Ministri i Punëve të Jashtme i Shqipërisë, Ditmir Bushati, gjatë një konference në Uashington, kundërshtoi idenë e krijimit të një bashkimi tregtar mes shteteve të Ballkanit.

Duke folur në një konferencë në German Marshall Fund në Uashington rreth “punëve të papërfunduara” në Ballkanin Perëndimor, Bushati i cili po qëndron këtyre ditëve në Amerikë, tha se rajoni është duke u përballur me sfida të shumta të natyrës politike të cilat, sipas tij, po pengojnë bashkëpunimin edhe në çështje tjera.

Një ndër to është edhe funksionimi i linjës së interkonjeksionit të energjisë ndërmjet Kosovës dhe Shqipërisë, e cila po mbahet e bllokuar nga Serbia.

Bushati po fliste për këto çështje kur u pyet në konferencë nga drejtorja e Zyrës së BIRN në Kosovë, Jeta Xharra.

Ai tha se ka diskutuar për çështjen e energjisë në takimet e tij në bankën Botërore në kuadër të ngjarjeve të Spring Meetings, por nuk dha ndonjë sinjal se linja, e cila është një investim shumëmilionësh i qeverisë gjermane, mund të zhbllokohet në një të ardhme të parashikueshme.

“Jemi duke u përballur me një situatë të vështirë politike ku vija ndërmjet interesave politike dhe ekonomike nganjëherë është shumë e vështirë të detektohet në mënyrë të duhur”, tha Bushati duke u përgjigjur në pyetjen e Jeta Xharrës.

Ankesat e Bushatit vijnë në një kohë kur në rajon janë dhënë ide për krijimin e një tregu të përbashkët në të cilin do të përfshiheshin Mali i Zi, Bosnja, Maqedonia, Kosova, Serbia dhe Shqipëria.

Teksa thotë se duhet të vlerësohet fizibiliteti i kësja iniciative, Bushati shprehet se rajoni ka pengesa politike të cilat, sipas tij, e pamundësojnë jetësimin e idesë.

“Nuk mund të ketë treg rajonal pa një union doganor dhe nuk mund të kemi union doganor nëse vendet nuk e njohin njëra- tjetrën”, tha ai.

Në vend të kësaj, kryediplomati shqiptar u shpreh në favor të një qasjeje “të balancuar dhe realiste” kur është fjala për bashkëpunimin rajonal.

“Ne do ta favorizonim çdo bashkëpunim rajonal që nuk shihet si alternativë për anëtarësim në BE”, tha Bushati duke e renditur këtë si paralajmërimin “numër një” të Tiranës zyrtare.

Në paralajmërimin e dytë, sipas Bushatit, iniciativat e reja nuk duhet të bazohen në ide të vjetra.

Në këtë drejtim, Bushati denoncoi idenë si përpjekje për rikrijim të Jugosllavisë së dikurshme, me Serbinë që përpiqet ta mbajë bajrakun e kësaj iniciative.

Megjithëse në këtë iniciativë nuk përfshihen Sllovenia e Kroacia si vende që tashmë janë anëare të BE-së, në listë ka hyrë Shqipëria, si shtet që nuk ka qenë pjesë e federatës së shpërbërë në vitet 1990 si pasojë e luftës së përgjakshme që mori jetët e qindra- mijëra personave në Kroaci, Bosnjë e Kosovë.

“Nuk duam të kthehemi prapa në ato kohëra. Ne po shikojmë përpara drejt Bashkimit Europian”, tha Bushati.

Në paralajmërim të tretë Bushati përmendi nevojën që çdo iniciativë ta sjellë rajonin e Ballkanit Perëndimor më afër BE-së dhe NATO-s.

“Panorama jonë është mjaft e ndryshme. Në Ballkanin perëndimor kemi shtete anëtare të NATO-s, kemi shtete që nuk i kanë të institucionalizuara marrëdhëniet me NATO-n (Kosova) edhe pse Kosova po e kërkon këtë dhe kemi si Serbia e Bosnja që po avokojnë qëndrime neutrale ndaj NATO-s”, tha ai.

Teksa Bushati po fliste në Uashington, në vendlindjen e tij në Tiranë kriza politike po thellohet gjithnjë e më shumë.

Me opozitën që ka bojkotuar çdo përfshirje në institucione në pritje të votimeve kruciale në parlament për reformën në drejtësi, ministri Ditmir Bushati tha se ka një iniciativë nga partia e tij (Partia Socialiste) për t’iu përshtatur më mirë kërkesave të Kodit Elektoral dhe Ligjit për dekriminalizim i cili është miratuar në Kuvend.

Me zgjedhjet parlamentare të shpallura të mbahen më 18 qershor, ligji pretendon që njerëzit me të kaluar kriminale të mos mund të kandidojnë.

“Besoj se listat e kandidatëve do të jenë të pastra dhe jam një nga politikanët që avokojnë për këtë sepse besoj që Shqipëria ka burra dhe gra të talentuara në tërë spektrin politik, por në të njëjtën kohë duhet ta dimë se këto fenomene që i kemi parë në rastin e Shqipërisë nuk janë fenomene tipike shqiptare. Së fundmi këtë e kemi parë edhe në skenën politike italiane, fenomene të njëjta dhe Ligji ynë për Dekriminalizim është frymëzuar nga legjislacioni italian, por në rastin tonë është më strikt”, tha Bushati.

Por ai tërheq vërejtjen se fakti që ligji është më strikt nuk nënkupton se po ai implementohet në tërësi.

“Ka hapësirë për përmirësime prandaj e marr kritikën si reflektim për më shumë vendosmëri politike në ballafaqimin me këtë fenomen dhe jo të mbesim vetëm te miratimi i ligjit”, tha ministri i jashtëm shqiptar, Ditmir Bushati.

Next Post
STUDIMI/Luleshtrydhet luftojnë kancerin e gjirit

STUDIMI/Luleshtrydhet luftojnë kancerin e gjirit

Leave a Reply Cancel reply

Your email address will not be published. Required fields are marked *

TË FUNDIT

Finlanda hedh poshtë kërkesën e Rusisë për t’u larguar nga NATO si pjesë e bisedimeve të paqes në Ukrainë

Finlanda hedh poshtë kërkesën e Rusisë për t’u larguar nga NATO si pjesë e bisedimeve të paqes në Ukrainë

November 14, 2026
Liga e Kombeve/ Alarm në Kombëtare, Ernest Muçi në dyshim për sfidën me Bjellorusinë

Liga e Kombeve/ Alarm në Kombëtare, Ernest Muçi në dyshim për sfidën me Bjellorusinë

November 14, 2026
Përplasen dy makina pranë tunelit të Murrizit, humbin jetën dy persona, 5 të tjerë dërgohen në spital

EMRI/ Aksident i rëndë në Fushë-Krujë, makina përplas me vdekje këmbësorin!

November 14, 2026
FOTOLAJM/ Berisha humb ‘luftën’ online me Ramën! Kryeministri me rreth 28 herë më shumë shikues live në Facebook!

FOTOLAJM/ Berisha humb ‘luftën’ online me Ramën! Kryeministri me rreth 28 herë më shumë shikues live në Facebook!

November 14, 2026
Zelensky: SHBA ka propozuar që Ukraina të dorëzojë Donbasin për anëtarësim në NATO

Zelensky: SHBA ka propozuar që Ukraina të dorëzojë Donbasin për anëtarësim në NATO

November 14, 2026
“Më 12 qershor përfundojnë zgjedhjet në PS”, Klosi: Shtrijmë strukturat në diasporë, fokus Britania, SHBA dhe Gjermania

Pse u tërhoqët nga votimi për Spiropalin? Klosi: Jam këtu për pjesën publike, Manastirliu qëndron në Tiranë

November 14, 2026
“Veliaj i ka duart e lidhura”, çfarë tha Rama për përjashtimet sot në Asamblenë socialiste

Asambleja e PS mbyllet pa vendim për Spiropalin dhe Ndrecën! Manastirliu mbetet në Tiranë, përforcohet me Demon dhe Koçiun

November 14, 2026
Ndryshon projekti i hekurudhës Tiranë-Rinas-Durrës, treni zhvendoset 500 metra larg aeroportit

Ndryshon projekti i hekurudhës Tiranë-Rinas-Durrës, treni zhvendoset 500 metra larg aeroportit

November 14, 2026
Tragjedi në Greqi: Shembja e një ndërtese gjatë shuarjes së zjarrit i merr jetën dy zjarrfikësve, plagoset një tjetër

Tragjedi në Greqi: Shembja e një ndërtese gjatë shuarjes së zjarrit i merr jetën dy zjarrfikësve, plagoset një tjetër

November 14, 2026
Mbi 100 mijë njerëz në rrugë, tjetër ditë proteste në Francë kundër kostos së lartë të jetesës

Mbi 100 mijë njerëz në rrugë, tjetër ditë proteste në Francë kundër kostos së lartë të jetesës

November 14, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In