Ministri i Jashtë Ditmir Bushati pas takimit me homologun grek Nikos Kotzias, zhvilluar një ditë më parë në Athinë, deklaron se është bërë një hap përpara në rrugën drejt zgjidhjes së problemeve të mbartura nga historia, por edhe ato më të rejat. Bushati ka paralajmëruar një tjetër takim dypalësh, muajin e ardhshëm. Sipas tij, me palën greke është rënë dakord për hartën rrugore, si dhe për afatet e hapave të tjerë që do të hidhen në të ardhmen.
Duke respektuar konfidencialitetin e bisedimeve, Bushati nuk ka dhënë detaje, por ka theksuar se të dy palët e kanë të qartë rrugën e zgjidhjes dhe se gjithçka do të bëhet publike në momentin që procesi do të ketë përfunduar. /ma.me
