Me rastin e Ditës së Lumturimit të Nënë Terezës, Ministri për Evropën dhe Punët e Jashtme, Ditmir Bushati në një postim në “Facebook” ka përkujtuar vizitën e parë të Nënë Terezës në Shqipëri.
“Nënë Tereza pati vizitën e parë në atdhe në gusht të 1989, me ndihmën e Lidhjes së Shkrimtarëve dhe Artistëve Arbëresh pranë ambasadës tonë në Rome. Por, Nënë Tereza nuk rreshti përpjekjet për të kontribuar në vendin e saj, aty ku prehen familjarët e saj”, shkruan Bushati.
Ministri Bushati ka botuar edhe një letër të gjetur në arkivin e MEPJ që dëshmon këtë vizitë.
“Kjo letër e gjetur në arkivën e MEPJ e dëshmon këtë. Kjo është një kërkesë që i drejtohej presidentit të kohës për ta lejuar të hapë misionin e saj humanitar dhe në Shqipëri. Shën Tereza u shndërrua në simbolin e bamirësisë botërore”, thekson Bushati. /b.d
