Ministri për Europën dhe Punët e Jashtme të Shqipërisë, Ditmir Bushati ka reaguar pas tragjedisë në Itali, duke shprehur dhimbjen dhe solidaritetin me shtetin fqinj.
“Në këto momente të vështira solidarizohemi me fqinjin tonë, Italinë, duke shprehur dhimbjen për humbjen e jetëve në tragjedinë e Genova. Ngushëllime familjarëve dhe shërim të shpejtë të plagosurve nga shembja e urës Morandi, në autostradën A10”, – ka thënë Bushati.
Ministri ka bërë të ditur gjithashtu se Ambasada shqiptare në Itali po ndjek zhvillimet dhe është në gatishmëri të plotë për t’iu përgjigjur kërkesave për asistencë, duke vendosur në dispozicion dhe numrin e kontaktit: +39 0686224115.
a.ç
