Raportimi i Guvernatorit të Bankës së Shqipërisë Gent Sejko në Kuvend ka shkaktuar debate mes mazhorancës dhe opozitës.
Ishte kreu i grupit Parlamentar i PD Gazment Bardhi që është përplasur ashpër me drejtuesen e seancës Ermonela Felaj.
Teksa Bardhi mori fjalën, Felaj i tha se nuk po flet për procedurë dhe se duhej të ulte. Por pas kësaj Bardhi ka nisur me sulme ndaj saj, duke i përmendur dhe burrin e saj prokuror.
Pjesë nga debati:
Bardhi: Ty të kanë marrë bandat peng dhe nuk po themi gjë
Felaj: Mos u fusni në histori të tjera se do dalësh keq
Bardhi: Nuk dal keq se unë mbaj përgjegjësi për çdo firmë që hedh ndryshe nga ju që ju marrin peng bandat
Felaj: Nuk po flisni për procedurë, kush është shqetësimi juaj?
Bardhi: Ndaj është guvernatori këtu për të na dhënë shpjegime, s’ka nevojë për shpjegime
Felaj: Këtu ka nevojë që të ngremë një alert që dokumentet e dosjeve bien në dorën tuaj
Bardhi: Po moj bien, se nuk do bien vetëm në dorën tënde dhe të burrit tënd.
Felaj: Të ngeli vetëm emri kush ta ka dhënë
Bardhi: Pse do ta them ty? Burri jot ma solli, a punon në prokurori? Më solli dosjen për guvernatorin
Felaj: Uluni se po kaloni çdo nivel etike
