Burri i Arbanës apo regjisor i famshëm? Ja si përgjigjet Eduart Grishaj

I ftuar në emisionin “Kjo Javë”, Eduart Grishaj, përveç filmit “Pasaporta” u ndaj edhe tek marrëdhënia me Arbana Osmanin dhe suportin që ajo i ka dhënë në karrierë.

Ai u shpreh se ka qenë fat fakti që ka pas vetes Arbanën e cila ka një impakt dhe dashuri në sytë e publikut.

“Është fat për mua sepse mund të jem i talentuar sa të duash, por nëse nuk ke promovimin e duhur e gjitha mund të shkojë dëm. Fat që kam nga pas Arbanën që ka një impakt shumë të madh dhe është e besueshme. Nuk është se jam burri i saj e më mban me hatër shpesh kemi edhe përplasje vizionesh. Por kam vënë re se mund të jesh një yll në televizion, i çon njerëzit deri tek kinemaja, por ata nuk kthehen nëse ka një produkt të mirë. Isha një herë në Prishtinë, ishte një vajzë që më tha kur po blija byrekë më dukesh fytyrë e parë, thash mos do më thotë je burri i Arbanës, por më tha je regjizori i famshëm. Nuk e kam kompleks. Ajo është frymëzim dhe filtri i parë i çdo pune që bëj”, tha ai.