Në aksin rrugor Burrel-Tiranë ka ndodhur një aksident i rëndë rrugor me pasojë vdekjen e një shtetaseje.
Menjëherë kanë shkuar shërbimet e Policisë Mat në vendin e ngjarjes, ku kanë konstatuar se në vendin e quajtur “Baz”- Burrel, automjeti tip “Golf”, me targa AA 849 JR, me drejtues shtetasin Xh.M, rreth 70 vjeç, banues në Burrel ka humbur kontrollin dhe mjeti ka dalë nga rruga.
Si pasojë e daljes së mjetit nga rruga ka humbur jetën shtetësja N.M rreth 68 vjeçe (bashkëshortja e shtetasit Xh.M), ndërsa drejtuesi i mjetit po merr ndihmë mjekësore në spitalin e Burrelit jashtë rrezikut për jetën.
Në automjet nuk ka pasur persona të tjerë.
Grupi hetimor ndodhet në vendngjarje ku vijon veprimet për zbardhjen e shkaqeve të aksidentit./a.m.
