Bunkeri i diktaturës, ish-të përndjekurit përplasen me policinë, opozita i mbështet
Ish-të përndjekurit politikë janë përplasur sërish sot pasdite me policinë për të kundërshtuar shembjen e mburojës së bunkerit para Ministrisë së Brendshme në Tiranë.
Kjo është hera e dytë brenda pak ditësh që ish-të përndjekurit e regjimit komunist, protestojnë kundër vendimit të autoriteteve, duke e cilësuar një revokim të së shkuarës diktatoriale bunkerin, duke tentuar që ta rrëzojnë me forcë.
Me dhjetëra forca policore ndodheshin para vendit të bunkerit për të ndaluar protestuesit, të cilët thërrisnin në kor “Poshtë Komunizmi”.
Në protestë kundër simbolit të diktaturës, kanë qenë edhe përfaqësues të opozitës, si deputetët demokratë Edi Paloka dhe Jorida Tabaku, si dhe kreu demokrat në Këshillin Bashkiak të Tiranës, Leonard Olli.
